Häärzligg Willkumme bi dr Alte Garde vo de Glunggi

Die Alti Garde vo de Glunggi isch im Joor 1998 vo langjäärige Stammmitglieder grindet worde.


Gstartet sin mir mit 9 Vordrääbler, 10 Pfyffer, 1 Major und 2 Dambuure.

Hit sin mr 8 Vordrääbler, 15 Pfyffer, 1 Major und 1 Dambuur.


D Glunggi Alti Garde isch e Bestandteil vo dr Fasnachtsclique Glunggi, mit em Stamm und dr Junge Garde.

Mir sin wyybligi und männligi Fasnächtler ab 40 Joor mit vyyl fasnächtligem Häärzbluet.


In de Iebigsstunde wird die musikalischi Qualität pflägt. Au wird  zwischeduure e neie Maarsch uffgnoo.

Noo de Iebigsstunde im Cliquekäller vo de Glunggi höggle mir gmietlig zämme.

Näbscht dr hoche musikalische Qualität wird bi uns au d Gselligkait gross gschriibe, sigs non em Iebe oder an de Glyggeaaläss.

 

Syt 2013 hän mr e Partnerschaft mit dr Breo AG, Iebe zämme und hän scho tolli Fasnachte gmeinsam hinter uns.


Mir hän en offeni Diire. Mechtsch au zue dääre Glunggifamilie gheere, denn lueg doch emool bin ys yyne oder lyt em Obmaa, em Roland Brun uf 076 682 25 65 aa.